Hubada

Despues di awasero entre rooi y taki
cu holor di flor’i hubada den aire
yena cu melodia di trupial contento
ey ta unda mi a wak bo

Ariba e liña fini di bo realidad y di mi fantasia
cu un determinacion cu solamente inseguridad por ofrece

Bo wowonan tabata color di tamarijn
y mi por a wak na bo couchi cu solo tabata conocebo

Mi a yamabo sin sa bo nomber y sin bisa un palabra 

y bo a bin carga pa e aroma di e tera muha

Nos a wanta man y sinta arib'e baranca 

Na e momento ey mi a sinti un barbulet pop den mi alma

Source: Old Aruba (www.facebook.com/oldaruba).